Á heimasíðu Stéttarfélags Vesturlands er að finna fróðlega samantekt á mikilvægi þess að vera í verkalýðsfélagi. Samningur SGS og bændasamtakanna er notaður til viðmiðunar.

Margir halda að engir samningar gildi ef starfsfólkið er ekki í stéttarfélagi og menn geti þá hagað greiðslum til verkafólks eftir sínu höfði, hvort sem er í landbúnaði eða öðrum störfum. Svo er þó ekki og gilda lög nr. 55/1980, um starfskjör launafólks og skyldutryggingu lífeyrisréttinda um þessi störf eins og önnur sem samið hefur verið um.

Hér á eftir er upptalning á nokkrum atriðum sem vert er að hafa í huga:
 Samningurinn milli SGS og Bændasamtakanna gildir einnig fyrir ungmenni  frá 14 ára aldri.
 Samningurinn gildir fyrir 40 stunda vinnuviku, virkar 37 klukkustundir og 5 mín.
 Vinna umfram það skal greidd með yfirvinnu.
 Semja má um  rofinn  dagvinnutíma milli 07:00 og 19:00 þó aldrei meira  er virkar 7 klst. og 25. mín á dag og þess skal getið í ráðningarsamningi ef þannig er samið.
 Starfsmaður á rétt á 8 frídögum á mánuði og skylt er að veita 4 frídaga.
 Skýr ákvæði eru um aðbúnað ef búið er á staðnum.
 Tölur vegna fæðis og húsnæðis er hámark, semja má um lægri greiðslu.
 Þó að samið sé um hærri grunnlaun en getið er í kjarasamningum gilda önnur ákvæði samningsins óbreytt.
 Ef unnið er umfram átta stunda vinnudag 5 daga vikunnar er ráðlegt að skrifa hjá sér vinnutímann og æskilegt er að starfsmaðurinn og launagreiðandinn komi sér saman um hvernig sú tímaskrift fer fram