Í skýrslu ASÍ, Íslenskur vinnumarkaður, þar sem fjallað er um erlent launafólk og brotastarfsemi á vinnumarkaði kemur fram að oftast sé brotið á erlendu og ungu launafólki.

Í skýrslu ASÍ, Íslenskur vinnumarkaður, þar sem fjallað er um erlent launafólk og brotastarfsemi á vinnumarkaði kemur fram að oftast sé brotið á erlendu og ungu launafólki. Á síðasta ári voru gerðar launakröfur upp á rúmlega 60.000.000 kr. fyrir fólk á aldrinum 16–25 ára og það eru eingöngu þau mál sem komu inn á borð stéttafélaganna!

Hversu lengi ætlum við að láta launaþjófnað viðgangast í íslensku samfélagi?

Ásmundur Einar Daðason, Félags- og barnamálaráðherra og ríkisstjórn lofaði að taka á þessu þegar skrifað var undir Lífskjarasamningana í apríl 2019, en enn hefur ekkert verið gert.

ASÍ-UNG krefst þess að launaþjófnaður verði gerður refsiverður, einnig að staðið verði við þau loforð sem gefin voru út við gerð kjarasamninganna 2019.