Samkvæmt kjarasamningum ber atvinnurekendum að greiða starfsfólki sínu desemberuppbót í byrjun desember ár hvert. Uppbótin er háð ákveðnum skilyrðum sem varða t.a.m. starfstíma og starfshlutfall á yfirstandandi ári. Desemberuppbót skal greiða í einu lagi og ofan á hana reiknast ekki orlof. Um er að ræða fasta krónutölu sem tekur ekki hækkunum skv. öðrum ákvæðum kjarasamninga. Áunnar uppbætur skal gera upp samhliða starfslokum.
Almennur vinnumarkaður:
Desemberuppbót er 98.000 kr. miðað við fullt starf og greiðist eigi síðar en 15. desember.
Ríki:
Desemberuppbót er 98.000 kr. miðað við fullt starf og greiðist 1. desember.
Sveitarfélög:
Desemberuppbót (persónuuppbót) er 124.750 kr. miðað við fullt starf og greiðist 1. desember.
Sjá nánar í kjarasamningum viðkomandi aðila.
