Að gefnu tilefni þurfum við því miður að minna félagsmenn á að umgengni og frágangur íbúða og orlofshúsa er alfarið á þeirra ábyrgð og til þess er ætlast að fólk skili af sér eins og það sjálft vill koma að þessum eignum.

Að gefnu tilefni þurfum við því miður að minna félagsmenn á að umgengni og frágangur íbúða og orlofshúsa er alfarið á þeirra ábyrgð og til þess er ætlast að fólk skili af sér eins og það sjálft vill koma að þessum eignum. Meirihluti félagsmanna stendur sig með sóma í þessum efnum en að undanförnu hefur kvörtunum vegna lélegra þrifa þó fjölgað og það er leiðinlegt að vita til þess að félagsmenn virði ekki umgengnisreglur og skili illa af sér. Leigutaki má búast við að fá sendan reikning vegna þrifa ef umsjónarmönnum okkar þykir frágangur ekki ásættanlegur.

Munið að íbúðirnar eru sameign ykkar allra og forsendan fyrir því að geta boðið upp á ódýra gistingu er að þið hjálpist öll að við að ganga vel um þær eignir sem félagið á og virðið þær reglur sem í gildi eru.